بدون زعل بعض البنات فيهم خلل

بعد ارق تحية للجميع ادخل بموضوعي مباشرة
اليوم الخميس 15/5/1431هـ الساعة وحده ونص ظهراً
كلمتني الوالده الله يعظم اجرها وقالت لي رح جب اختك من بيتها زوجها مسافر< زوج الفلس
المهم رحت اجيبها والمسافة تجي نص ساعة تقريباً دقيت عليها وقلت انا عند الباب قالت ادخل شوي
دخلت وانفجعت من عيالها كل واحد بيده صاموليه وخشته مليانه جبن سايل قلت تفطرون الحين؟
قالت فطور على غداء؟
قلت كيف ؟ قالت اللي تشوف هذا نظامنا وبعد العشاء نطلب عشاء من برا؟
قلت كل خميس؟
قالت لا اغلب ايام الإسبوع
بصراحة انغثيت من كلامها ونظامها قلت وزوجك عادي عنده؟
قالت اصلاً هو حاسبها صح ويقول كيذا اريح لك ولي
قلت طيب لو يزورك احد؟
قالت بسم الله عليه الثلاجة مليانة عصيرات وحلويات وعندي فطاير بالبراد واكيد لو بينقص شي بطلب
ماتشوف المطاعم بكل شارع وتوصيل مجاني
حست اني تضايقت من نظامها اللي مدري وش يبي
قالت اغلب البيوت كيذا من رايقه تقوم وتسوي فطور ولو قمت بسويه لمين؟ هو يفطر بالدوام
قلت طيب الغداء؟
قالت عن نفسي بس اصحى تكفيني فطيرة او قطعة خبز بجبن وهو بس يجي ينام وما يصحى إلا بعد العشاء!!!
وبس يصحى نطلب عشاء
انتهت قصة مدري مهزلة اختي والسؤال الحالة هذي حالة فردية ولا وصلت لمستوى الظاهره
تحياتي للجميع ويازين زمن اول

مشكورة يا هلولة
وهو صادق بعد كم سنه بتصير ظاهرة والمراة اذا ما اهتم ببيتها وعيالها وغذائهم ونظافتهم اجل وش دورها؟؟؟؟